首頁 ／ 合作流程
四步，由查詢到開工
每步做咩、要你出咩，全部寫低。
01
填低現況
品牌做咩生意、而家行緊邊幾個平台、最想處理嗰一樣。三分鐘搞掂。
唔使整靚份簡報。公開帳號、網站或者廣告截圖已經夠開始。
02
見面傾 30 分鐘
一般可約時段由 11:00 到 18:00。到時可以一齊睇帳號、內容、廣告，或者你想加入 AI 嘅工作流程。呢一步唔收錢。
最好集中一件事。範圍太大就先揀一件嚟傾。
03
定合作範圍
傾完我會整理一份範圍，寫清楚邊啲由我哋做、邊啲留返你哋。
呢一步唔收錢，你睇完覺得唔啱可以唔行落去。
04
開工
範圍確認咗先開始。之後每一輪做完會講返做過咩、數點樣，再定下一輪改咩。
好多同行第一句就報價。我寧願先坐低傾清楚你盤生意點運作，因為報得出個準價，代表已經知你要咩。
直接答案
見面前唔使準備
帶住你個帳號嚟就得。
牽涉客戶私隱嘅資料可以遮走名稱同敏感數字。冇整理好嘅數據唔使夾硬砌，我自己會睇。
如果你已經有人做緊 social 或者落緊廣告，帶埋佢哋而家嘅做法嚟，更加傾得快。
- 公開帳號IG、Facebook 或者 Threads 任何一個都得。
- 網站或者網店冇就唔使勉強。
- 廣告截圖有落緊先要，敏感數字可以遮。
三種合作
三樣可以分開行，亦可以一齊行。
傾之前
常見問題
要唔要簽約？
唔使。冇試做期，亦冇合約綁住。最緊要見一次面了解清楚，再定點合作。
第一次傾要收錢嗎？
唔收。第一次傾同之後整理合作範圍都唔收錢，你睇完覺得唔啱可以唔行落去。
可以視像傾嗎？
可以。見真人傾得快啲，但你唔方便就視像。
傾完幾耐先開到工？
要睇你嗰邊幾時確認好範圍。確認咗就可以排期。
一次可以傾幾多樣嘢？
最好集中一件。範圍太大就先揀最影響下一步嗰件，其餘留返之後。