帳號做唔起，卡喺呢幾度
幾樣嘢夾埋拖冧，一日一日咁跌。
好多品牌搵我嗰日，個帳號都有出嘢，但出得斷斷續續。每次臨出先由零諗寫乜。捱一年，數字上唔到，人就攰。
停更之後，觸及要由零儲返
平台要夠數據先知你啲內容派俾邊個。如果停一個月，佢就少咗一個月訊號。
再出返 post，唔會接返上次個位，要等系統重新收集。最傷係中間嗰段空白，唔係邊一篇寫得差。
一稿三平台，三邊都唔到位
IG 限時動態嘅觀眾同 Threads 嘅讀者好多時唔重疊，兩邊語氣同期望都唔同。
Threads 個讀者係嚟睇文字討論。由 IG 照搬過去嗰啲，起步就蝕章。
出一篇嘢嘅工序越嚟越多
而家一個 carousel 每張圖可以有獨立 caption。十張圖，十段字。
以前寫一段已經夠煩。但同一個人仲要影相、剪片、回私訊。人手唔變，出街頻率一定跌。
呢幾樣講到尾都係人手同節奏。代管解決嘅就係呢度：每日有人固定接住，唔使等你得閒先諗。
直接答案
代管做啲乜
最實際嘅分別係有人日日睇住個帳號。
開始前先睇你而家點做：邊幾個平台有底子、邊啲內容有人睇、邊啲做咗好耐都冇反應。再決定邊幾個要行落去，邊個放慢。
方向定咗，再按月排內容，唔使每次臨急先諗。已經有內容底子嘅品牌，由過往有人睇嗰批開始擴，唔使成個帳號推倒重嚟。
- 帳號定位同內容方向講清楚個帳號對住邊班人，講緊乜。
- IG、Threads、Facebook 分工三個平台各擔一個角色，唔係同一段字搬三次。
- 內容規劃同 Reels 製作按月排期，圖同片一齊計。
- 每月出幾多、包唔包影相見面傾完先定，唔會硬套一個 package 俾你。
三個平台點分工
同一段內容硬套落三個平台，三邊都做唔起。
門面同作品集
相片、Reels 同限時動態撐住品牌賣相。新客先入 IG 睇你似唔似做得起。
Reels 搵新客，限時動態同熟客保持連繫。
本地受眾同落地位
篇幅可以長，靠分享擴散。活動、報名同公佈類內容喺呢度收。
連結放留言，唔好放貼文入面，唔係會壓觸及。
我唔會做嘅嘢
寫低晒，你就唔使問。
唔會叫你八個平台一齊開
如果人手擺唔開，開幾多個都係得個樣。
唔會叫你成個帳號推倒重嚟
有人睇嗰批內容留低，由嗰度擴出去。
唔會同一段字三個平台照貼
三個平台嘅讀者同期望都唔同，照搬就三邊都唔到位。
唔會用示意圖扮案例
出到街嘅相同連結全部係真嘢，冇就話冇。
由查詢到開工
查詢時先交代背景，傾落去唔使講多次。
先講低現況
填低品牌、而家行緊邊幾個平台，同最想處理嗰一樣。
睇返個帳號
再按你提供嘅帳號同內容，搵出邊度最花時間、邊度做咗都冇反應。
見面先
冇試做期，亦冇合約綁住。最緊要見一次面，了解清楚你盤生意點運作，再定邊啲由我哋做、邊啲留返你哋。
我寫過嘅平台分析
三篇公開文章，講而家啲內容係點派出去。
查詢前
常見問題
代管同一對一營銷諮詢有咩分別？
諮詢係一次 30 分鐘，集中整理一個最影響下一步嘅問題，傾完你自己執行。代管係持續合作，由我哋日日接住帳號嘅定位、內容同發布。想傾一次先，第一次傾唔收錢。
可以只做其中一兩個平台嗎？
可以。會按你嘅客源同人手，睇清楚邊幾個平台值得行，其餘放慢或者暫時唔開。
公司已經有同事做緊 social，仲使唔使搵人代管？
可以只接手其中一截。會按你哋而家嘅分工，睇清楚邊一截交出嚟最慳時間，其餘留返你哋做。
停咗一段時間冇出過 post，仲救唔救得返？
救得返，但要時間。因為平台要重新收集數據先知你啲內容派俾邊個，頭幾個星期嘅數字會偏低，要持續出先會回升。
未整理好資料，可以先查詢嗎？
可以。公開帳號、網站或者內容截圖已經夠開始；牽涉私隱嘅資料可以先遮走。
收費點計？
收定價月費。每月幾多，睇你要行幾多個平台、出幾多內容、包唔包落廣告同睇數據，見面傾完先報得準。
要唔要簽約？
唔使。冇試做期，亦冇合約綁住。最緊要見一次面了解清楚，再定點合作。