Marcus Fung平台更新、精選文章，同你傾營銷。

Google 改取圖預設，
Edits 付費同步有限制

本期平台更新選自 MMB 十月二十日至二十二日已刊文章。先睇摘要，想知細節就撳入全文。

Google Ads

Google 公布，由十二月四日起，新建 PMax 廣告活動會預設開啟網站圖片擷取。即使帳戶已關閉動態圖片，新活動仍會預設開啟；現有活動保留原設定。

全文交代新舊設定分別，同埋手動或透過 API 停用時要留意嘅地方。

Instagram 官方列出 Edits Plus 提供 200GB 雲端空間，但專案同步只支援同一系統嘅裝置。由 iPhone 轉 Android，唔能夠單憑訂閱推斷專案可以接續編輯。服務仍屬有限測試。

全文整理同步範圍、帳戶共享福利，同埋截至原文刊出時未公布嘅售價與 AI 用量。

Adam Mosseri 表示，平台現有版權申訴安排仍然不足，團隊正研究應對方式，同時要防止虛假申訴。原文刊出時，未有新保護機制嘅推出日期。

全文整理當事人說法，同埋 Instagram 對 AI 內容觸及及標籤嘅回應。

今次揀咗廣告素材研究同創作者合作，之後做企劃都用得着。

廣告寫完功能同優惠，仲可以講啲乜？由客戶買產品嘅原因同原話，搵下一輪素材測試方向。

Chili's、Disney 同 Alaska Airlines 嘅案例，講到幾時邀請創作者參與策劃，同埋合作內容點接上廣告。

《吹銷》EP16・Jansen 專訪下集

FamilyMart 每年幫 7-11 慶祝生日，仲請食雪糕。今集同社媒軍師 Jansen 傾下，點解呢類品牌互動喺香港難做到。

每次出 post 都臨急諗，或者落咗廣告但唔知點改？可以搵我傾下你個帳號，同埋而家最想處理嘅問題。